U hali gani? mdau wangu wa nguvu wa tovuti yangu! leo napenda kukuletea amri kumi kwa lugha ya kichaga na maana zake kwa lugha ya kichaga pia.
1.IVAVASO LYA MBEE.
Yen ni ndumi shikee iruva wafo! nta kulatire maruva engi kulaore ni yen-fo
A yekyo kiiriye iluvia inda?
kuti luve veiryaa iruva ngota findo fyoose na inkunda na ikusirya nawe.
2.IVAVASO LYA KAVII.
Kulasende irina lya nndumi we iruva wafo kikee kya ruu-fo. Mashika nndumi nnasheraa nalaorwa yeto asenda irina lyakwe kikee kya ruu-fo.
A yekyo kiiriye iluvia inda?
Kuti luve veirya iruva na inkunda, Naambo lure lulaarara na irina lyakwe, Nta ilya nalyo mboo, Nta iveiya nalyo usavi, Nta yaamba nalyo woongo, nta ilemba nalyo. Mmbo lushembanga nalyo wo kyeeri lukee ukiven na intereva nalyo, na imwarafuma nalyo, Na imwana nalyo.
3.IVAVASO LYA KARARU.
Kumbwa nkonu wa iimuya kuuvike mwelee.
A yekyo kiiriye iluvia inda?
Kuti luve veiryaa iruva na inkunda, Naambo lure lulamina ufundo na ndera yakwe. Mmbo lushefyalwa fyeele, Luveva na umale lweafyarafuma na ikulosha.
4.IVAVASO LYA KAANA.
Indya ndoo na mau, Naambo kukooye iviiri na muu mwaasha kunu uruken.
A yekyo kiiriye iluvia inda?
Kuti luve veiryaa iruva na inkunda, Naambo lure lulamina nde na ma na vannduni veru, Nta lulavafulute vatirwa ni unyafi. Mmbo lushevavikyaa unini na ivafurukanya na iveeirikya na ivatirya ukundi na makya. (kya ndeye wa nndu na maye)
5.IVAVASO LYA KARANU.
Kulawae
A yekyo kiiriye iluvia inda?
Kuti luve veiryaa iruva na inkunda, Naambo lure lukavika uroyeeru ivina lya nyama takwe, Nta inlisia ukiva. Mmbo lusheenweekya na iimbikya kililika wo kyeeri alolya ukiva lya efo nyamin takwe.
6.IVAVASO LYA KARINDARU.
Kulatuuse nta kulatuuswa
A yekyo kiiriye iluvia inda?
Kuti luve veiryaa iruva na inkunda, Naambo lukae-fo lukee na uvaramu na son shisha lwireraa na yuuta, na wo nndu na vakundani na indyana.
7.IVAVASO LYA NFUNGARE
Kulaive
A yekyo kiiriye iluvia inda?
Kuti luve veiryaa iruva na inkunda, Naambo lure lulaipo pesa uroyeeru nta kindo kyakwe alimye, Nta lulaaluye kweru lwikumbyana na yurana nawe kikee kya ilemba, Mbo lushemwekya iringa masaa akwe na shoonga takwe fyende fikwengeraa.
8.IVAVASO LYA NYANYA.
Kulavikye ukureeki lwefingya uroo kindo kya wongo.
A yekyo kiiriye iluvia inda?
Kuti luve veiryaa iruva na inkunda, Naambo lure lulaekerya uroyeeru kindo kya wongo, Nta indiingya, Nta imbikya ureree, Nta insuta vandun. Mmbo lushambaa-u kya imbuta usutu, na insenda na kisha, na imweekya irera kyakwe kyoose kikashiiya vandu.
9.IVAVASO LYA KEENDA.
Kulalange mmba ya uroo.
A yekyo kiiriye iluvia inda?
Kuti luve veiryaa iruva na inkunda, Naambo lure lularivanga ding'u ya uroyeeru ao mbaa yakwe, Nta lulafyalwe freeru na mwaandu wa ntambo. Mmbo lushenkapanyaa na imbikya ngarami nakae nafyo.
10.IVAVASO LYA IKUMI.
Kulalange nka wa uroo, Nta nsoro wakwe wa poo, Nta mwana wakwe wa kika wa poo, nta muna findo avikye efo kyen, nta kindo kingi atiri na kikavi kii.
A yekyo kiiriye iluvia inda?
Kuti luve veiryaa iruva na inkunda, Naambo lure lulakapaa nka wa uroyeeru matuusa, Nta vandu va efo kyen kwakwe, nta lulavaaye vauke kwakwe, Nta lulavasuvanise nawe. Mmbo lushevaikimaa vakae nawe na intanya mashora avasumanyi.
Asante sana na ubarikiwe mdau wangu wa nguvu.
Usiache kunishauri, kunipa maoni na hata kuboresha kupitia njia hizi apa chini.
sirGeorge boaz ndeyanka
mwandishi
sirgeorgeboazndeyanka@09gmail.com
tell: +255 621058168
HAI
KILIMANJARO
Amina
ReplyDelete